امریکا نے طویل فاصلے تک مار کرنے والے بیلسٹک پروگرام میں مبینہ تعاون پر پاکستان کے 4 اداروں پر پابندی لگانے کا اعلان کردیا۔
واشنگٹن میں پریس بریفنگ دیتے ہوئے امریکی محکمہ خارجہ کے ترجمان میتھیوملر نے کہا کہ ان چار پاکستانی اداروں پر الزام ہے کہ انہوں نے پاکستان کے بیلسٹک میزائل پروگرام کو آگے بڑھانے میں مدد دی ہے۔
انہوں نے کہا کہ اس مدد میں خصوصی وہیکل چیسز کی تیاری بھی شامل ہے جو بیلسٹک میزائلوں کی لانچنگ کیلئے استعمال کیے جاتے ہیں، اس کے علاوہ کراچی کے تین اداروں کی بھی نشاندہی کی گئی ہے۔
ترجمان نے کہا کہ تباہی پھیلانے والے ہتھیاروں یا ان کی ترسیل کے ذرائع پر کارروائی کی جائے گی۔
پابندیوں کی زد میں آنے والی کمپنیوں میں اسلام آباد کا نیشنل ڈویلپمنٹ کمپلیکس ۔ کراچی کی ایفیلیئٹس انٹرنیشنل ۔ اختر اینڈ سنز پرائیویٹ لمیٹڈ اور راک سائیڈ انٹرپرائز شامل ہیں
